Farzandidan ayrilgan toshkentlik ayolning Sog‘liqni saqlash vazirligiga murojaat qilgani aks etgan video tarqaldi.
«Dori-darmonlar, jihozlar yo‘q. Sog‘liqni saqlash tizimi yomon ahvolda», deydi Yelena Sarevskaya murojaatida.
Ma’lum bo‘lishicha, ayol yangi tug‘ilgan chaqalog‘ini asbob-uskunalarning yetishmasligi, befarqlik va shifokorlarning qobiliyatsizligi sababli yo‘qotgan. Rasmiy ma’lumotlarga ko‘ra, 25 kunlik chaqaloq o‘pkasi ochilmay qolgani sababli vafot etgan, ammo onasining so‘zlariga ko‘ra, bola sog‘-salomat tug‘ilgan.
Sog‘liqni saqlash vazirligi xodimlari ayolga chuqur hamdardlik bildirishdi.
Bunday fojiali voqea shoshilinch tekshiruvni talab etayotganligi sababli, vazirning buyrug‘iga binoan ishchi guruh tuzildi va 2019 yil 2 dekabrda ushbu fuqaro tomonidan eslatib o‘tilgan tibbiy muassasada ichki tekshiruv boshlandi. Ushbu tekshirish bo‘lim boshlig‘ining shaxsiy nazorati ostida amalga oshiriladi.
Shuningdek, aybdorlar aniqlanib, jazoga tortilishi aytilmoqda.
