Farg‘onada mashina salonidan 17 million so‘mni o‘g‘irlagan shaxs qo‘lga olindi

2019 yil 12 aprel kuni Farg‘ona viloyatining Qo‘qon shahrida Bog‘iatirgul ko‘chasida yashovchi M.SH. IIBga bilan murojaat qilib, shu yil 2 aprel kuni o‘zining boshqaruvidagi Matiz rusumli avtomashinani A.Navoiy ko‘chasida joylashgan oshxona oldida qarovsiz qoldirgan vaqtida noma’lum shaxs avtomashina eshigini kalit tanlash yo‘li bilan ochib, salonidan 17 million so‘m pulini o‘g‘irlab ketganligini ma’lum qilgan, bu haqda O‘zbekiston Respublikasi IIV Jamoatchilik va OAV bilan aloqalar boshqarmasi xabar qiladi.Holat yuzasidan jinoyat ishi qo‘zg‘atilgan edi. Ko‘rilgan choralar natijasida ushbu jinoyatni Navbahor ko‘chasida yashovchi Z.Z. sodir etganligi aniqlanib, ushlangan. Tergov harakatlari davom etmoqda.

Manba: daryo.uz