Evropada jazirama qurbonlari soni 10 mingdan oshdi

Evropada kuzatilgan kuchli issiq to‘lqinlari oqibatida vafot etganlar soni 10 ming nafardan oshdi.

Ma’lum qilinishicha, o‘lim holatlarining aksariyati 65 yosh va undan katta aholi vakillari orasida qayd etilgan.

Mutaxassislarning ta’kidlashicha, ekstremal issiq nafaqat issiq urishiga, balki yurak-qon tomir hamda nafas yo‘llari kasalliklarining kuchayishiga ham sabab bo‘lmoqda.

Shifokorlar aholini, ayniqsa keksa yoshdagilar va surunkali kasalligi bor shaxslarni, kunning eng issiq paytlarida tashqariga chiqmaslikka, ko‘proq suyuqlik iste’mol qilishga va salqin joylarda bo‘lishga chaqirmoqda.