Evropa liderlari AQShdan Rossiyaga qarshi yangi sanksiyalar joriy qilishni talab qilishdan oldin Ukraina prezidenti Vladimir Zelenskiy va Rossiya prezidenti Vladimir Putinning Turkiyada o‘tkazilishi mumkin bo‘lgan uchrashuvini kutishga tayyor. Bu haqda Bloomberg agentligi manbalarga tayanib xabar bermoqda.
12 mayda AQSh va Yevropa rasmiylari o‘rtasida bo‘lgan muzokaralardan so‘ng, Vashington Moskva va Kiyev o‘rtasidagi muzokaralarga imkoniyat berishni xohlagani ma’lum bo‘ldi. Agar Putin Zelenskiy bilan uchrashishdan bosh tortsa yoki Rossiya 15 mayda bo‘lib o‘tadigan muzokaralarda darhol va shartsiz to‘xtatishga riza bo‘lmasa, Yevropa liderlari AQShdan Rossiyaga qarshi sanksiyalar joriy qilishni talab qiladi.
Shu bilan birga, The Guardian gazetasi o‘z manbalariga tayanib, Trampning Ukrainaga Putin tomonidan taklif qilingan bevosita muzokaralarni qayta tiklashni darhol qabul qilish zarurligi haqidagi bildirishi Yevropa davlatlarining AQShni Rossiyaga qarshi sanksiyalar joriy qilishga ishontirish bo‘yicha rejalarini muammoga solishi mumkinligini yozmoqda.
11 mayda Rossiya prezidenti Ukraina bilan bevosita muzokaralarni Stambulda 15 mayda, hech qanday oldindan shartlarsiz qayta boshlashni taklif qilgan edi. Zelenskiy Putin bilan bevosita muzokaralarga tayyorligini bildirdi va 15 may kuni Istanbulda Putinni «shaxsan» kutmoqchiman, deb ta’kidladi.
Rossiya S-300/400 maketlari bilan dunyo ko‘zini aldamoqda!
Ukraina O‘zbekistonga sanksiya joriy qildi. Uchta kompaniya va bir fuqaro “qora ro‘yxat”da
Rossiya Ukrainani vijdonsizlarcha o‘qqa tutmoqda
