Evropa davlatlarining Rossiyadan suyultirilgan gaz importi 2024 yilda rekord darajaga yetdi

2024 yilda Rossiyadan Yevropa mamlakatlariga suyultirilgan gaz (SNG) eksporti rekord darajadagi 24,2 milliard kub metrga yetdi.

Bu haqda Norvegiyaning Rystad Energy konsalting kompaniyasi ma’lum qildi.

Uning hisob-kitoblariga ko‘ra, bu ko‘rsatkich 2023 yilga nisbatan qariyb 12 foizga oshgan. Shu bilan birga, Crea tahliliy markazi boshqa hisob-kitob usulidan foydalanib, yetkazib berish hajmi 14 foizga oshgani haqida xabar berdi.

O‘tgan hafta Yevropa tahlil markazi Bruegel Rossiyaning Yevropa Ittifoqi mamlakatlariga suyultirilgan gaz yetkazib berish hajmi qariyb 21,5 milliard kub metrni tashkil etganini, o‘tgan yilgi 17,8 milliard kubometrga nisbatan 21 foizga o‘sganini ma’lum qildi.

Rystad Energy ma’lumotlariga ko‘ra, o‘tgan yil davomida Yevropa davlatlari ham Rossiyadan 49,5 milliard kubometr gaz sotib olgan. Kompaniya tahlilchisi Yan-Erik Fenrixning aniqlik kiritishicha, ushbu hajmlarning bir qismi keyinchalik boshqa mamlakatlarga sotilgan.

"Raqamlarning o‘sishining sababi juda oddiy. Rossiyadagi suyultirilgan gaz boshqa yetkazib beruvchilarning takliflariga nisbatan chegirma bilan sotiladi. Suyultirilgan gazga nisbatan sanksiyalar yo‘qligi sababli kompaniyalar o‘z manfaatlarini ko‘zlamoqdalar" - dedi Crea tahlilchisi Vaibxav Ragunandan.