Estoniya havo hududida dron urib tushirildi.

NATO qiruvchi samolyoti birinchi marta Estoniya havo hududiga kirgan dronni urib tushirdi.

Bu haqda Estoniya Mudofaa vazirligi vakili Xanno Pevkur e’lon qildi.

"Biz latviyalik hamkasblarimizdan dastlabki ma’lumotlarni oldik va radarimiz Estoniya janubiga qarab uchayotgan dronni ham aniqladi. Biz zarur choralarni ko‘rdik va Boltiq havo patrulining qiruvchi samolyoti dronni urib tushirdi", dedi u.

Pevkur dron Virts’yarv ko‘li yaqinida qulaganini ta’kidladi. Hozirda tinch aholi orasida qurbonlar haqida hech qanday ma’lumot yo‘q, ammo tegishli idoralar voqea joyiga yo‘l olishmoqda va "vaziyatni yetib kelgandan so‘ng aniqlashtiradilar".

Ayni paytda, Estoniya parlamenti Tashqi ishlar qo‘mitasi raisi Marko Mixkelson ijtimoiy tarmoqlarda dron katta ehtimol bilan Ukrainaga tegishli ekanligini ma’lum qildi.