Bugun Eron Islom Respublikasida hamda mamlakatning xorijiy davlatlarda ochilgan saylov uchastkalarida prezident saylovining ikkinchi bosqichi o‘tkazildi.
O‘zbekiston Respublikasida vaqtincha yashab turgan eronliklar ushbu mamlakatning Toshkentdagi elchixonasi binosida ochilgan ovoz berish maskaniga kelib, ikki nomzoddan biriga ovoz berishdi.
Eron konstitusiyasiga ko‘ra, prezident saylovining birinchi turida 50 foizdan ko‘p ovoz olgan nomzod mamlakat rahbarligiga saylangan hisoblanadi. Hech bir da’vogar yetarli natijani qayd eta olmasa, g‘olib eng ko‘p ovoz to‘plagan ikki nomzod ishtirokidagi ikkinchi bosqich yakuni bo‘yicha aniqlanadi.