Eron prezidenti: Isroil hujumlari AQSh bilan muzokaralarni «ma’nosiz» qiladi

Eron prezidenti Masud Pezeshkian Isroilning Livanga hujumlari AQSh bilan rejalashtirilgan muzokaralarni ma’nosiz qilishi mumkinligini ma’lum qildi.

U o‘z bayonotida bu hujumlar Vashington bilan erishilgan o‘t ochishni to‘xtatish kelishuvining buzilishi ekanini ta’kidladi.

Pezeshkian ijtimoiy tarmoqdagi chiqishida Isroilning Livanga takroriy zarbalarini keskin tanqid qildi.

«Sionistik rejimning Livanga qarshi qayta-qayta agressiyasi o‘t ochishni to‘xtatish bo‘yicha dastlabki kelishuvning ochiqdan-ochiq buzilishidir», — dedi u.

Eron rahbari bu holatni «aldash va xavfli signal» deb atab, bunday vaziyatda har qanday ehtimoliy kelishuvlarga amal qilinmasligi mumkinligidan xavotir bildirdi.

Mutaxassislar fikricha, mazkur bayonot Eron va AQSh o‘rtasidagi diplomatik jarayon yanada murakkablashishi mumkinligini ko‘rsatadi. Agar hujumlar davom etsa, muzokaralar to‘xtab qolishi ehtimoli ham bor.