Eron Hormuz bo‘g‘ozini ochmaydi

Eron Qatar vositachilarining Hormuz bo‘g‘ozini qayta ochish taklifini qabul qilgani haqidagi xabarlar yolg‘on.

Fars axborot agentligi bu haqda Eron muzokara guruhi vakiliga tayanib xabar bermoqda.

Vakilning so‘zlariga ko‘ra, Hormuz bo‘g‘ozi orqali yuk tashishni qayta tiklash bo‘yicha hech qanday kelishuv mavjud emas va bu borada tarqatilayotgan xabarlar yolg‘on. Agentlik vakili "Qo‘shma Shtatlar o‘zining dushmanona harakatlarini davom ettirar ekan", bo‘g‘oz yopiqligicha qolishini ta’kidlagan.

Avvalroq, AQSh prezidenti Donald Tramp kelajakdagi kelishuvning umumiy shartlari bo‘yicha kelishib olgandan so‘ng, Eronga rejalashtirilgan yirik zarbani bekor qilishga rozi bo‘lgan edi. Amerika rahbari kelishuvlar Hormuz bo‘g‘ozini darhol ochish va Erondan yadroviy tahdidni tugatishni nazarda tutishini ta’kidladi.