Eron yer osti yadro kompleksini mustahkamlamoqda — BBC

Yangi sun’iy yo‘ldosh tasvirlari tahliliga ko‘ra, Eron o‘zining yadro ob’ektlaridan birining yaqinidagi yer osti kompleksini mustahkamlamoqda. Bu Tehron va Vashington vakillari o‘rtasidagi muzokaralar davom etayotgan bir vaqtda sodir bo‘lmoqda.

Ekspertlar mazkur ob’ekt Eronning uran boyitish faoliyatini yoki muhim jihozlarini himoya qilish uchun mo‘ljallangan bo‘lishi mumkinligini aytmoqda, ammo uning aniq maqsadi hozircha noma’lum.

AQSh prezidenti Donald Tramp Tehronga yangi yadro bitimiga rozi bo‘lmasa, harbiy choralar bilan tahdid qilmoqda.

Eron esa o‘z yadro dasturi faqat tinch maqsadlarga qaratilganini ta’kidlab, yadroviy qurol yaratishga intilayotganini inkor etmoqda.