Tasnim News Agency ma’lum qilishicha, AQShning 15 bandli rejasiga javob Eron tomonidan vositachilar orqali yetkazilgan.
Manbaga ko‘ra, Tehron barcha yo‘nalishlarda hujumlar va «maqsadli qotilliklar»ni to‘xtatish, urush qayta takrorlanmasligiga kafolatlar berish hamda tovon to‘lashni talab qilgan.
Shuningdek, Eron Ormuz bo‘g‘ozi ustidan o‘z suverenitetini tan olishni xavfsizlikning asosiy kafolati sifatida ko‘rmoqda.
Eron tomoni AQSh muzokara tashabbusini tanqid qilib, uni «uchinchi bor aldashga urinish» deb baholadi. Manba ta’kidlashicha, AQSh muzokaralar orqali o‘zini tinchlik tarafdori sifatida ko‘rsatish, neft narxlarini tushirish va Eronga qarshi yer usti operasiyasiga tayyorgarlik ko‘rishga vaqt yutmoqchi.
Tehronda Vashingtonning muzokaralarga haqiqiy tayyorligiga shubha bildirilib, Jenevadagi maslahatlar bilan bir vaqtda ham hujumlar davom etgani eslatildi. Bu esa yangi eskalasiyaga tayyorgarlikdan dalolat berishi mumkinligi aytildi.
Shu fon ortida Eron quruqlik qo‘shinlari qo‘mondoni Ali Jihanshaxi mamlakat to‘g‘ridan-to‘g‘ri to‘qnashuvga tayyor ekanini bildirdi.
«Er usti urushi raqib uchun yanada xavfli va yanada qimmatga tushadi», — dedi u.
Uning so‘zlariga ko‘ra, Eron kuchlari mintaqadagi AQSh va Isroil harakatlarini diqqat bilan kuzatmoqda, ehtimoliy yer usti bosqini esa «qoplab bo‘lmas oqibatlar»ga olib kelishi mumkin.
Eronda bir baqqol do‘koni oynasida shunday yozuv ilgan:
Husanovning finaldagi o‘yini qanday baholandi?
Go‘sht narxi keskin oshmoqda
