Durov Fransiyani Ruminiya saylovlariga ta’sir o‘tkazishga urinishda aybladi

Telegram messenjeri asoschisi Pavel Durov Fransiya razvedkasini Ruminiyadagi saylovlarga ta’sir o‘tkazishga urinishda aybladi.

Bu haqda u X ijtimoiy tarmog‘ida yozgan.

Uning so‘zlariga ko‘ra, bahorda Hotel de Crillon mehmonxonasida Fransiya razvedkasi rahbari Nikolas Lerner saylovlar oldidan ruminiyalik konservatorlarning ovozini o‘chirishni talab qilgan, biroq Durov buni rad etgan.

“Biz Rossiya, Belorussiya yoki Erondagi namoyishchilarga to‘sqinlik qilganimiz yo‘q – Yevropada ham buni boshlamaymiz”, — dedi u.