Rossiya dronlarining Ukrainaning Dnepr shahriga uyushtirgan hujumi oqibatida jabrlanganlar soni 28 nafarga yetdi.
Bu haqda shahar meri Boris Filatov ma’lum qildi.
"Yaradorlarning umumiy soni 28 kishiga yetdi, ulardan to‘rt nafari bolalar", — dedi u.
Merning so‘zlariga ko‘ra, hujumdan so‘ng 15 ta bino, jumladan, talabalar yotoqxonasi, o‘quv va oziq-ovqat xizmati binolari zarar ko‘rgan.
Avvalroq ikki kishi halok bo‘lgani, 16 kishi jarohatlangani xabar qilingandi.
