Deportasiya qilingan fuqarolarga 2 yil mobaynida xorijga chiqish pasporti berilmaydi

Hukumat qaroriga ko‘ra, 2025 yil 1 sentyabrdan boshlab Migrasiya agentligi tomonidan xorijiy davlatning qonunchilik hujjatlarini buzishi natijasida deportasiya qilingan, shuningdek, O‘zbekistonning xalqaro nufuziga va obro‘-e’tiboriga salbiy ta’sir ko‘rsatuvchi xatti-harakatlarni sodir etgan fuqarolarga doir ma’lumotlar Migrasiya jarayonlariga doir ma’lumotlarning yagona elektron bazasi orqali yuritiladi.

Hujjat bilan readmissiya* qilingan fuqarolarga ikki yil davomida xorijga chiqish biometrik pasportini berish bo‘yicha davlat xizmati ko‘rsatilmaydi.

Bunda readmissiya qilingan fuqarolarga chet elga chiqishi uchun biometrik pasporti rasmiylashtirib beriladigan istisno holatlar IIV tomonidan belgilanadi.

* Agar biror o‘zbekistonlik fuqaro chet elda noqonuniy qolgan, vizasi tugagan, deportasiya qilingan shaxs O‘zbekiston tomonidan qabul qilinadi — bu jarayon readmissiya deb ataladi.