2025 yilning birinchi kunida Rossiya Federasiyasi tarkibidagi Checheniston Respublikasida yangi diniy ta’lim muassasalarining qurilishiga start berildi. Respublika rahbari Ramzan Qodirov bu haqda o‘zining Telegram-kanalida ma’lum qildi.
Qodirovning ta’kidlashicha, Grozniy shahrida qurilayotgan yangi madrasa kuhna Buxoroda tavallud topgan buyuk muhaddis olim Imom Al-Buxoriy nomi bilan ataladi. Loyihaga ko‘ra, madrasa uch qavatli binodan iborat bo‘ladi va u 500 nafar o‘quvchini qabul qilish imkoniyatiga ega. Toliblarning 250 nafari yotoqxona bilan ta’minlanishi mo‘ljallangan.
Shuningdek, Shatoy, Achxoy-Martan va Grozniy tumanlarida ham Qur’on hofizlari tayyorlaydigan uchta yangi diniy maktab barpo etilmoqda. Qurilish ishlari boshlanishi munosabati bilan Ramzan Qodirov quyidagicha izoh qoldirgan:
"Yangi yilni xayrli ish bilan boshladik. Grozniyda zamonaviy madrasa qurilishiga start berildi. Bu yosh avlodni tarbiyalash va ularni islomiy bilimlarga oshno qilish yo‘lidagi muhim qadamdir", dedi u.
Rossiya Yaponiya va Janubiy Koreyaga hujum qilish rejalarini ishlab chiqdi – FT
O‘limga hukm qilingan amerikalik imkon qadar tezroq qatl qilinishini so‘radi
Rossiya havo hujumidan mudofaa tizimlari Ukraina qiruvchisini urib tushirdi
