Bugun, 10 iyul kuni soat 14:51 da Toshkent shahar FVB Tezkor boshqaruv markazi Navbatchi-dispetcherlik xizmatining “101” qisqa raqamiga Yunusobod tumani, TXAY ko‘chasi “Orzu” kafesi oldidan oqib o‘tuvchi “Bo‘zsuv” kanalida fuqaro cho‘kib ketayotganligi to‘g‘risida xabar kelib tushdi.
Zudlik bilan voqea joyiga FVV qutqaruvilari yetib borgan. Ma’lum bo‘lishicha fuqaro spirtli ichimlik is’temol qilib, cho‘milish maqsadida suvga tushgan va o‘z ehtiyosizligi natijasida xavfsizligini ta’minlay olmay cho‘kayotgan bo‘lgan. FVV qutqaruvchilari fuqaroni kanaldan olib chiqib, hayotini saqlab qoldi. Shundan so‘ng psixologik yordam ko‘rsatilib, tushuntirish ishlari olib borildi.
