Buyuk Britaniya bosh vaziri Rishi Sunak Nadim Zaxavini Konservativlar partiyasi raisi lavozimidan olib, vazirlar mahkamasidan chetlatdi.
“Mustaqil tekshiruv yakunida vazirlik kodeksining jiddiy buzilishi aniqlandi. Natijada sizni Janobi Oliylari hukumati tarkibidan chetlatish to‘g‘risida qaror qabul qilinganini ma’lum qilaman”, — deyiladi Sunak Zaxaviga yuborgan xabarda.
Tekshiruv davomida ma’lum bo‘lishicha, Zaxavi davlat lavozimini egallab turib, soliq sohasida qator qonunbuzarliklarga yo‘l qo‘ygan.
Nadim Zaxavi 5 million funt sterling atrofida soliq qarzi borligi aytilmoqda.