Buxoro viloyati Buxoro tumanida uch kunlik chaqalog‘ini to‘rt ming dollarga sotmoqchi bo‘lgan ayol qo‘lga olindi. Bu haqda viloyat IIB axborot xizmati xabar berdi.
Ma’lum qilinishicha, viloyat IIB Tezkor qidiruv xizmati xodimlari tomonidan joriy yilning 6 aprel kuni o‘tkazilgan navbatdagi tezkor tadbir natijasida mazkur jinoyatning oldi olingan.
Xabarga ko‘ra, 2008 yilda tug‘ilgan, Buxoro tumanida yashovchi fuqaro hali uch kunlik bo‘lmagan qiz farzandini g‘arazli maqsadda sotishga uringan.
U chaqaloqni 4 ming dollarga sotishni rejalashtirib, shartli mijozdan kelishilgan pulning 800 dollarini olayotgan vaqtida ashyoviy dalillar bilan qo‘lga olingan.
Hozirda ushbu holat yuzasidan Jinoyat kodeksining 135-moddasi (odam savdosi) uchinchi qismi «b» bandi bilan jinoyat ishi qo‘zg‘atilib, tergov harakatlari olib borilmoqda.
Tehron Eron kemasini qo‘lga olganidan keyin AQSh harbiy kemalariga hujum qildi
Eron Isroil bilan aloqa qilganligi uchun yuqori lavozimli amaldorni qatl qildi
“Katta jarimalar bo‘ladi”: Soliq qo‘mitasi raisi umumiy ovqatlanish korxonalarini biznesni bo‘lmaslikka chaqirdi
