Bosh prokuratura huzuridagi Departamentning Bo‘stonliq tuman bo‘limi tomonidan o‘tkazilgan tergovga qadar tekshiruvda “R.E`." fermer xo‘jaligi rahbari SH.R. va “B.S.” MCHJ rahbari V.F. o‘zaro til biriktirib, ushbu fermer xo‘jaligining qishloq xo‘jaligi mahsulotlarini yetishtirish uchun mo‘ljallangan yer maydonidan o‘zboshimchalik bilan 24,6 ming kub metr tuproq jinslarni qazib olishib, davlat va jamiyat manfaatlariga 422,1 mln so‘m zarar yetkazganliklari aniqlangan.
Mazkur holatlar yuzasidan Jinoyat kodeksining 192-11-moddasi (nodavlat tijorat tashkilotida yoki boshqa nodavlat tashkilotida mansabdor shaxslar tomonidan o‘z vakolatlarini suiiste’mol qilish) va 229-moddasi (o‘zboshimchalik) bilan jinoyat ishi qo‘zg‘atilib, tergov harakatlari o‘tkazilmoqda.
