Bugun boks bo‘yicha O‘zbekiston erkaklar terma jamoasi Fransiyaning Nansi shahriga yo‘l oldi. Parij-2024 yozgi Olimpiya o‘yinlariga tayyorgarlik ko‘rayotgan jamoamiz 20 iyul sanasiga qadar xalqaro o‘quv-mashg‘ulot yig‘inida ishtirok etadi.
Mazkur yig‘inda Olimpiadada qatnashadigan 10 dan ortiq davlat vakillari jam bo‘lishi kutilmoqda. Mashg‘ulotlar davomida 7 nafar litsenziat yigitimizga 2 nafardan sparring sheriklar biriktirilgan. Fransiya safariga jami 21 nafar sportchi, 11 nafar murabbiy va 2 nafar tibbiyot xodimlari jalb etilgan.