Ovqatlanish bo‘yicha loyiha menejeri Mark Stid jurnalistlarga hech qachon bu kabi holatni ko‘rmaganligini aytdi:
"Ba’zi odamlar uy hayvonlari uchun chiqarilgan ovqat iste’mol qilsa, boshqalari sham yoki radiatorda ovqat isitayotganidan hali ham hayratdaman", — dedi u.
Narxlar oshishi sababli odamlar bunday choralarga o‘tishga majbur bo‘lishmoqda.
Buyuk Britaniyada inflyasiya oxirgi 41 yil ichida eng yuqori darajaga yetdi, oziq-ovqat va alkogolsiz ichimliklar narxi esa bir yil ichida 16,4 foizga oshdi. Oktyabr oyida inflyasiya yillik ko‘rsatkichda 11,1% gacha tezlashgan.