Britaniya Rossiya Federasiyasidagi sanksiyalar ro‘yxatiga olti nafar shaxs va bir axborot saytini qo‘shdi

Buyuk Britaniya g‘aznachiligining dushanba kungi hujjatiga ko‘ra, Britaniya hukumati Rossiya Federasiyasi bilan bog‘liq sanksiyalar ro‘yxatiga yana olti nafar shaxs va bir axborot saytini qo‘shdi.

Ommaviy axborot vositalari faoliyati bilan bog‘liq bo‘lgan quyidagi shaxslar sanksiyalarga tortildi: Mixail Sinelin, Aelita Mamakova, Yevgeniy Glotov, Yuriy Fedin, Darya Dugina va Alena Chuguleva.

Bundan tashqari, ro‘yxatlarga Turkiyada ro‘yxatdan o‘tgan “United World International” veb-sayti ham kiritilgan bo‘lib, Londonga ko‘ra, “Rossiya foydasiga dezinformasiya tarqatmoqda”.

Qo‘llanilgan sanksiyalar aktivlarni muzlatish bilan bog‘liq.