Muxolifatdagi Leyboristlar partiyasi Britaniya hukumatini prezident Putin va uning rejimiga aloqador rossiyaliklarga nisbatan sanksiyalarni kuchaytirishga chaqirdi, deb yozadi Guardian.
Leyboristlar, xususan, yaqinda Kanada rasmiylarining sanksiyalari ostida qolgan sobiq KGB zobiti, tadbirkor Aleksandr Lebedevga ishora qilmoqda.
«Endi Aleksandr Lebedevda Britaniya sanksiyalariga duchor bo‘lish uchun juda yaxshi sabab bor va hukumat bu masalani zudlik bilan ko‘rib chiqishi kerak», — deya leyboristlar partiyasi yetakchisi o‘rinbosari Anjela Rayner so‘zlaridan iqtibos keltirgan gazeta.
Juma kuni Kanadaning sanksiyalar ro‘yxatiga kirgan rossiyalik tadbirkor bundan 10 yil oldin ikkita Britaniya gazetalari - Evening Standard va Independent'larini sotib oldi.
Endi ular Mi-5 kontrrazvedkasi maslahatiga zid ravishda 2020 yilda Lordlar palatasining a’zosi bo‘lgan o‘g‘li Yevgeniy Lebedevga tegishli.
Anjela Rayner Boris Jonsonni Lebedevlar oilasini o‘z himoyasiga olganlikda aybladi.
«U xavfsizlik xizmatlari xavotiriga qaramay, Aleksandr Lebedevning o‘g‘li (Evgeniy Lebedev) Lordlar palatasiga tayinlanishi bilan bog‘liq muhim ma’lumotlarni oshkor qilmadi. Bu bosh vazir o‘z do‘stlarini himoya qilish uchun qoidalarni buzgan yana bir holat», - dedi Rayner.
Boris Jonsonning Lebedev bilan aloqalari yaxshi hujjatlashtirilgan, deya eslatadi Leyboristlar himoyachisi oldingi maqolalariga tayanib.
Shoygu urush tugaydigan “aniq va shubhasiz” sanani ma’lum qildi
Zelenskiy shuni yodda tutishi kerakki, u Ashraf G‘ani kabi yoki undan ham battarroq bo‘lishi mumkin
Ariston kompaniyasi milliylashtirilgach, Rossiya elchisi Italiya TIVga chaqirtirildi
