Toshkent shahri Mirobod tumani Shahrisabz ko‘chasida joylashgan Bosh prokuratura akademiyasining bino va inshootlari yana sotuvga qo‘yildi, deb xabar bermoqda E-auksion platformasiga tayanib, Gazeta.uz .
Ob’ekt yanvar oyida kimoshdi savdosiga chiqarilgandi, ammo mulk sotilmadi
Binolarning umumiy maydoni 9560 kvadrat metrni tashkil qiladi. Ular 0,36 gektar maydonda joylashgan. Boshlang‘ich narx o‘zgarmadi — 171,47 mlrd. Shu bilan birga, bo‘nak puli (zakalat) summasi 5 foizdan 1 foizga tushirildi.
Qolgan shartlar o‘zgarishsiz qoldi. Xususan, sotilgandan keyin Bosh prokuratura akademiyasi bino va inshootlardan bir yil davomida bepul foydalanishi mumkin bo‘ladi. Xaridor ob’ekt qiymatining kamida 35% ini to‘lashi kerak, u bir yil ichida qolgan summani to‘lashi mumkin.
Arizalar 3 iyulga qadar qabul qilinadi, shu kuni soat 10:00 da auksion o‘tkaziladi.
