Isroil G‘azo sektorida bosqinchilik va qirg‘inbarot urushini boshlaganiga 356 kun bo‘ldi. 24 soat davomida G‘azo sektori, Iordan daryosining G‘arbiy sohili hamda butun Yaqin Sharq hududida sodir bo‘lgan asosiy voqealar.
▪️Bosqinchilar Rafah, Xon Yunis, Nuseyrat va Jabaliya lagerlariga hujum qildi. Urush boshlanganidan buyon 41495 kishi shahid bo‘ldi.
▪️G‘arbiy Sohilda bosqinchilar Jenin va Al-Xalilga bostirib kirdi. Bosqinchilar Jeninga 60 birlik texnika jo‘natgan.
▪️Al-Qassam brigadalari Rafah sharqida ishg‘ol tanklari va transport vositalari kolonnasini portlatish bo‘yicha noyob operasiya o‘tkazdi.
▪️Iroq qarshilik kuchlari 6 ta dron yordamida Umm al-Rashrash (Eilat-Heb.) portiga hujum qildi.
▪️Hizbulloh 11 ta harbiy amaliyot o‘tkazdi. Ulardan eng muhimi shimoliy mintaqani ta’minlovchi yirik o‘q-dorilar omborining yo‘q qilinishi bo‘ldi.
▪️Isroilning Livandagi tinch aholi nishonlariga uyushtirgan hujumlarining uchinchi kunida bir kunda 72 kishi halok bo‘ldi, 223 kishi yaralandi. Halok bo‘lganlar orasida ayollar va bolalar ko‘p.
▪️AQSh Kongressiga Isroilga ayrim turdagi qariyb 20 mlrd dollarlik qurollarni sotishni taqiqlovchi rezolyusiya loyihasi kiritildi.
▪️Dunyo bo‘ylab G‘azo va Livanda o‘t ochishni to‘xtatishga chaqiruvchi namoyishlar bo‘lib o‘tmoqda.
O‘zbekistonga yana qorli sovuq havo kirib kelmoqda
Suriyaliklar pul to‘la qoplar bilan banklarga bostirib kirishmoqda
Saudiya Arabistoni xazina topdi, neft konlarida «oq oltin» aniqlandi
