BMT: G‘azoda aholining 10% o‘lgan yoki yaralangan

29 avgust holatiga ko‘ra, Izroilning G‘azodagi hujumlari oqibatida 63 025 nafar falastinlik halok bo‘lgan, 159 490 kishi yaralangan, deb xabar berdi BMTning gumanitar masalalar bo‘yicha idorasi (UNOCHA). 10 mingdan ortiq odam bedarak, ularning ko‘pchiligi vayronalar ostida qolgan deb hisoblanmoqda.

Batafsil:

• 920 nafar tibbiyot xodimi va 246 nafar jurnalist halok bo‘lgan.

• 34 ta shifoxona va 500 dan ziyod maktab vayron qilingan.

• G‘aza sektoridagi uy-joylarning 92% zararlangan yoki to‘liq yo‘q qilingan, hududning 88% esa okkupasiya qilingan yoki evakuasiya buyrug‘i berilgan.

• BMT ta’kidlashicha, hujumlar havodan, quruqlikdan va dengizdan amalga oshirilmoqda, harbiy va fuqarolik ob’ektlari o‘rtasida farq qilinmayapti.

Bolnisalar va maktablar ham nishonga olinmoqda, bu esa xalqaro huquqni buzish demakdir.