«Biz hayotni tanlaymiz!» shiori ostida giyohvandlikka qarshi kurashish yo‘nalishidagi videoroliklar tanlovi e’lon qilindi

O‘zbekiston Respublikasi Prezidenti Administrasiyasi huzuridagi Narkotiklarni nazorat qilish milliy markazi Kinematografiya agentligi, Milliy teleradiokompaniya va Milliy media assosiasiyasi bilan hamkorlikda ijodkor yoshlar o‘rtasida «Biz hayotni tanlaymiz!» shiori ostida giyohvandlikka qarshi kurashish yo‘nalishidagi videoroliklar tanlovini e’lon qildi.

🗓 Ishtirokchilar o‘z anketalari va videoroliklarini 2025 yil 1 fevraldan 1 maygacha Milliy markazning tanlov@ncdc.uz elektron pochtasi orqali, shuningdek, elektron vositalarda shaxsan taqdim etishlari mumkin.

Tanlovning g‘olib va sovrindorlari quyidagilar bilan taqdirlanadi:

🥇 1-o‘rin uchun noutbuk;
🥈 2-o‘rin uchun planshet;
🥉 3-o‘rin uchun smartfon;

🎁 «Eng yaxshi g‘oya», «Eng yaxshi operator» va «Eng yaxshi aktyor (aktrisa)» nominasiyalari g‘oliblari uchun Milliy markazning esdalik sovg‘asi.

G‘olib va sovrindorlar «26 iyun – Xalqaro giyohvandlikka qarshi kurash kuni» arafasida e’lon qilinadi va tantanali ravishda taqdirlanadi.

📝 Tanlov nizomi bilan ushbu havola orqali tanishishingiz mumkin.

Yurtimizning barcha yoshlarini ushbu tanlovda faol ishtirok etishga chorlaymiz!