Qirg‘iziston poytaxti Bishkekda kechqurun zilzila sodir bo‘ldi. Yerosti silkinishlari shaharning barcha hududlarida sezilgan.
Bu haqda Qirg‘iziston Milliy fanlar akademiyasi Seysmologiya instituti ma’lum qildi.
Hozirda sodir bo‘lgan silkinishlar haqidagi ma’lumotlar qayta ishlanmoqda.
Evropa-O‘rtayer dengizi seysmologiya markazi ma’lumotlariga ko‘ra, zilzila magnitudasi 5,1 ni tashkil qilgan. Uning episentri qirg‘iz-o‘zbek chegarasi hududida, taxminan 10 km chuqurlikda joylashgan.
