Berbok Gruziyaning YEIga qabul qilinishi jarayonini to‘xtatishni taklif qildi

Germaniya tashqi ishlar vazirining ta’kidlashicha, 2023-yil dekabrida Gruziyaga YEI a’zoligiga nomzod maqomi berilishi “islohotlar bo‘yicha aniq va’dalar” bilan bog‘liq. “Ammo taraqqiyot o‘rniga biz xavotirli regressiyani ko‘ryapmiz”, dedi Annalena Berbok va Tbilisi siyosati “mamlakatlari Yevropa yo‘lida davom etishini istaydigan” ko‘pchilik gruzinlar manfaatlariga javob bermasligini qo‘shimcha qildi.

“Gruziya orzusi o‘zining Yevropaga qarshi kursi bilan Gruziyaning Yevropa Ittifoqiga qo‘shilish jarayonini ataylab muzlatib qo‘ydi va shu tariqa uni amalda to‘xtatib qo‘ydi. Yevropa Ittifoqi endilikda Gruziyaning avtoritar siyosati kuchayib borayotgani sababli uning qo‘shilish jarayonini rasmiy ravishda to‘xtatib turish masalasini ham muhokama qilishi kerak, dedi Germaniya tashqi ishlar vaziri.