Bayden kursidan ketayotganda ham Isroil uchun “qayg‘urmoqda”

Bayden Isroilga 8 milliard dollarlik qurol-yarog‘ paketi taklif qilinganini Kongressga ma’lum qildi.

Axios yangiliklar saytining ikki anonim manbasiga ko‘ra, Davlat departamenti Kongressga qiruvchi samolyotlar va hujum vertolyotlari uchun o‘q-dorilar hamda artilleriya snaryadlarini o‘z ichiga olgan 8 milliard dollarlik qurol-yarog‘ paketi haqida "norasmiy tarzda" xabar bergan.

Manbalarning aytishicha, paketga qiruvchi samolyotlarning dronlar kabi havo tahdidlaridan himoyalanishi uchun havo-havo raketalari, shuningdek, hujum vertolyotlari uchun 155 mm kalibrli artilleriya snaryadlari va Hellfire AGM-114 raketalari kiritilgan.

Shuningdek, kelishuvga kichik diametrli bombalar, "oddiy bombalarni" aniq qurollarga aylantiradigan JDAM dum to‘plamlari, 500 funtlik (230 kg) jangovar qismlar va bomba funitlarini ham o‘z ichiga olishi aytilmoqda.

Bayden ma’muriyatining amaldagi prezident shu oyda lavozimini tark etishidan oldingi so‘nggi paketi bo‘lishi kutilayotgan ushbu taklif Vakillar palatasi va Senatning tashqi aloqalar qo‘mitalari tomonidan ma’qullanishi lozim.