«Barselona» yangi shartnoma orqali Lamin Yamalning tovon pulini 1 milliard yevroga yetkazadi

«Barselona»ning qanot hujumchisi Lamin Yamal katalon klubi bilan yangi shartnoma imzolaydi.

Barca Universal ma’lumotlariga ko‘ra, Yamalning «ko‘k-anorranglilar» bilan shartnomasi u 18 yoshga to‘lganida 6 yilga uzaytiriladi. Tomonlar kelishuv shartlari bo‘yicha kelishuvga erishgan. Shartnomadagi tovon puli 1 milliard yevro etib belgilanadi.

Joriy mavsumda 17 yoshli Yamal «Barselona» safida barcha musobaqalarda 16 ta o‘yin o‘tkazib, 6 ta gol va 8 ta assist muallifi bo‘ldi. Uning klub bilan amaldagi shartnomasi 2026 yil yoziga qadar mo‘ljallangan. Transfermarkt saytiga ko‘ra, futbolchining bozor qiymati 150 million yevroni tashkil qiladi.