Turmush o‘rtog‘ining xiyonati ortidan u aks etgan videoroliklarni internet tarmog‘idagi sahifasida e’lon qilgan, keyin esa eri bilan yarashib olgan aktrisa Aziza Yoquvoba muxlislarning oilaviy hayot haqidagi savollariga javob berdi. Muxlislardan biri aktrisaga “Nima uchun eringizni yomonlab, sharmanda qilib, u bilan qaytadan yarashib oldingiz?” deya savol bergan.
“Men hech kimni yomonlaganim yo‘q, haqiqatni aytdim. Qilgan ishlarimdan afsuslanmayman. Agar yana bir bor shunday holat takrorlansa, o‘sha ishni qaytadan qilgan bo‘lardim. Nega endi biz ayollar doim azob chekishimiz kerak?”, deydi aktrisa.
Aziza Yoqubova 2020 yilning sentyabr oyida ikkinchi bor turmushga chiqqan edi. Ijodkor oradan bir muddat o‘tgach, turmush o‘rtog‘ining boshqa ayol bilan sayr qilayotgani aks etgan videolavhani o‘zining ijtimoiy tarmoqdagi sahifasiga joylashtirgan.
