Armaniston bosh vaziri Nikol Pashinyan Rossiya prezidenti Vladimir Putinga murojaat qilib, mamlakat xavfsizligini ta’minlashga ko‘mak berish shaklini aniqlash bo‘yicha maslahatlashuvlarni boshlashni iltimos qildi. Bu haqda Armaniston tashqi ishlar vazirligi xabar bermoqda.
Rossiya rahbariga maktub Armaniston chegaralariga harbiy harakatlar yaqinlashishi munosabati bilan yuborildi. "Maktubda, xususan, Yaqin Sharqdan chet el terrorchilarining ko‘chirilishi va ularning Tog‘li Qorabog‘ga qarshi jangovar harakatlardagi ishtiroki ta’kidlangan", deyiladi tashqi ishlar vazirligi bayonotida.
26 oktyabrda Tog‘li Qorabog‘da sulh kuchga kirdi. Ozarbayjon va Armaniston kelishuvlarga AQSh vositachiligi bilan erishdi. Uchinchi sulh mahalliy vaqt bilan soat 08:00da (Moskva vaqti bilan 09:00) boshlangan, ammo tez orada tomonlar bir-birlarini sukunatni buzganlikda ayblab, kurashni davom ettirishgan.
1991 yilda aholisining aksariyati armanlar bo‘lgan Tog‘li Qorabog‘ Ozarbayjondan mustaqilligini e’lon qildi. Boku mintaqani kuch bilan qaytarishga urindi, urush boshlandi. 1994 yilda Ozarbayjon, Armaniston va tan olinmagan Tog‘li Qorabog‘ Respublikasi sulhga imzo chekdi.
ECHL. Yarim final. "Bavariya" "Real" bilan jangovar durang qayd etdi
Oq uy Baydenning chiqishlarini qisqartiradi
Rossiya iqtisodiyoti qulashi mumkin
