Kecha mahalliy vaqt bilan soat 7:10 da Qozog‘istonning Aqto‘be viloyati Qarabutak mahallasidan o‘tadigan «Samara-Chimkent» xalqaro avtomobil yo‘lining 992-kilometrida Qozog‘iston fuqarosi boshquruvidagi Toyota Previa avtomashinasi ishtirokida YTH sodir bo‘lgan.
Mamlakatimizning Aqtau shahridagi Bosh konsulxonasi ma’lumotiga ko‘ra, YTH natijasida avtomobil haydovchisi va Aqtau shahriga ishga ketayotgan 8 nafar yo‘lovchi (barchasi O‘zbekiston fuqarolari) turli darajadagi tan jarohati bilan shahar shifoxonasiga yotqizilgan.
43 yoshli fuqaro N.D vafot etgan, 5 nafari davolanmoqda, 2 nafar yo‘lovchiga esa shifoxonadan javob berilgan.
Marhumning jasadini Vatanga yetkazishni tashkil etish va jabrlanganlarga yordam ko‘rsatish choralari ko‘rilmoqda.
Shu o‘rinda, Tashqi mehnat migrasiyasi agentligi xorijda ishlayotgan yurtdoshlarimizni ogohlikka, ish jarayonida xavfsiz, tartibli va qonuniy mehnat migrasiyasiga rioya qilishga chaqiradi.
O‘g‘ri bojxonachilar 26 tonna oltin bilan qo‘lga tushdi
Armaniston shu yilning o‘zidayoq Yevropa Ittifoqiga kirishga tayyor
Germaniya va Shvesiya harbiy hamkorlikni kuchaytirmoqchi
