O‘zbekiston delegasiyasi «Koreya Respublikasi – Markaziy Osiyo» hamkorlik forumida ishtirok etadi. Bu haqda Tashqi ishlar vazirligi xabar bermoqda.
Qayd etilishicha, O‘zbekiston Tashqi ishlar vaziri Abdulaziz Komilov boshchiligidagi delegasiya «Koreya Respublikasi – Markaziy Osiyo» 13-hamkorlik forumida ishtirok etishi rejalashtirilgan.
O‘zbekiston tashqi siyosat idorasi rahbari boshchiligidagi delegasiya 2020 yilning 24-27 noyabr kunlari Seul shahrida tashrif bilan bo‘ladi.
Forum doirasida O‘zbekiston delegasiyasi qator ikki tomonlama uchrashuvlar ham o‘tkazadi.