AQShda yadroviy energetika sohasida yirik loyihalarga start berildi

AQSh prezidenti Donald Tramp 2030 yilgacha kamida 10 ta yangi yadroviy reaktor qurishni boshlashni buyurdi.

Bu haqda u imzolagan va juma kuni Oq uy matbuot xizmati tarqatgan farmon matnida aytiladi.

Hujjatdan ma’lum bo‘lishicha, Tramp "2030 yilgacha tugallangan loyihalar bo‘yicha 10 ta yangi reaktor qurilishini" boshlashni, shuningdek, mavjud reaktorlarda elektr energiyasi ishlab chiqarishni 5 GVtga oshirishni buyurgan. Bundan tashqari, u Energetika vazirligi rahbariga mudofaa vaziri bilan hamkorlikda yopiq AESlarni qayta ishga tushirish yoki Pentagon ehtiyojlari uchun qayta ixtisoslashtirish imkoniyatini baholashni topshirdi.