Kichik SOCATA TBM 700 samolyoti Minnesota shtati Bruklin-Park shahridagi turar-joy binosi ustiga qulab tushdi.
Bu haqda ABC News telekanali xabar bermoqda.
Hodisa 29 mart kuni mahalliy vaqt bilan 12:20 atrofida sodir bo‘lgan, qurilma qulaganidan keyin yong‘in boshlangan.
Telekanal ma’lumotlariga ko‘ra, samolyotning barcha yo‘lovchilari va ekipaj a’zolari halok bo‘lgan, biroq uydagilar jabrlanmagan.
Mahalliy o‘t o‘chirish boshqarmasi hozircha qurbonlar sonini aniqlay olmadi. AQSh Milliy Transport xavfsizligi kengashi samolyot halokati holatlari yuzasidan tekshiruv boshladi.