AQShning Ogayo shtati, Hillsboro shahridagi avtomobillarni ta’mirlash ustaxonasida yuz bergan portlash oqibatida 3 kishi halok bo‘ldi, bir kishi kasalxonaga yotqizildi.
Bu haqda CBS telekanali mahalliy hokimiyatga tayanib xabar berdi, deb yozadi “Report”.
“Ogayo shtatining Hillsboro shahridagi avtomobillarni ta’mirlash ustaxonasida yuz bergan portlash natijasida uch kishi halok bo‘ldi, bir kishi kasalxonaga yotqizildi”, — deb xabar berdi telekanal.
Qayd etilishicha, portlash seshanba kuni mahalliy vaqt bilan kechki to‘rtlar atrofida sodir bo‘lgan. Yaqin atrofdagi spirtli ichimliklar do‘konida ishlaydigan guvohning aytishicha, portlash zilzila kabi bo‘lgan.
