Nashrning manbalariga tayanib xabar berishicha, Vashington Suriyadagi sakkizta operasion bazasining uchtasini yopmoqda, harbiylar soni 2000 kishidan 1400 kishigacha qisqartiriladi.
"60 kun ichida Qo‘shma Shtatlar qo‘mondonligi harbiy kontingentni qisqartirish maqsadga muvofiq yoki yo‘qligini ko‘rib chiqadi. Qo‘mondonlik Suriyada kamida 500 nafar amerikalik harbiyni qoldirishni tavsiya qilgan", —deya aniqlik kiritdi amerikalik rasmiylardan biri.
Shu bilan birga, NYT'ning qayd etishicha, prezident Donald Tramp Suriyada qandaydir AQSh qo‘shinlarining qolishiga shubha bilan qaramoqda.
