AQSh ittifoqchilari Vashington ishtirokisiz Ho‘rmuz bo‘g‘ozida kema qatnovini tiklay oladimi?

AQSh ittifoqchilari Vashington ishtirokisiz Ho‘rmuz bo‘g‘ozida kema qatnovini tiklash ssenariysini muhokama qilishni boshladi, deb xabar berdi Bloomberg.

2 aprel holatiga ko‘ra, Buyuk Britaniya Yevropa, Yaqin Sharq va Osiyoning 40 dan ortiq davlati, shuningdek, Avstraliya va Kanada ishtirokida virtual uchrashuv o‘tkazdi.

Agentlik manbalariga ko‘ra, ishtirokchilar Tehron bilan diplomatik aloqalar va ehtimoliy iqtisodiy choralarni — jumladan, agar Eron dunyo neft va suyultirilgan tabiiy gaz yetkazib berishning salmoqli qismi o‘tadigan Ho‘rmuz bo‘g‘ozini blokdan chiqarishga rozi bo‘lmasa, sanksiyalar qo‘llashni muhokama qilishgan.

Alohida tartibda BMTning roli va Fors ko‘rfazi mamlakatlaridagi sheriklar bilan kema qatnovi erkinligi tamoyiliga qaytish tashabbuslari doirasidagi muvofiqlashtirish ishlari ko‘rib chiqildi.