AQSh Garvard universitetining chet ellik talabalar uchun vizaga homiylik qilish vakolati ustidan tergov boshladi

AQSh Davlat departamenti Garvard universitetining talabalar vizalariga homiylik qilish vakolatiga nisbatan tergov boshladi.

Bu haqda AQSh davlat kotibi Marko Rubio ijtimoiy tarmoqda yozdi.

U viza homiyligi imtiyoz ekanini ta’kidladi: “Faoliyati millatimiz manfaatlariga zarar yetkazadigan homiylar bu imtiyozdan mahrum bo‘lishadi”.

Eslatib o‘tamiz, AQSh prezidenti Donald Tramp ma’muriyati Garvard universitetiga chet ellik talabalarni qabul qilishni taqiqlagan edi. Keyinroq AQSh sudi Donald Tramp ma’muriyati tomonidan ushbu taqiqni to‘xtatib qo‘ydi. Universitet prezidenti Alan Garber Garvard jamoatchiligiga universitetning xalqaro talabalari uchun kurashishga va’da berdi.