AQSh fransuz kompaniyalaridan inklyuzivlik siyosatidan voz kechishni talab qilmoqda

AQSh fransuz kompaniyalarini hamkorlikni yo‘qotish tahdidi ostida inklyuziv siyosatlaridan voz kechishga chaqirdi.

Bu haqda AQShning mamlakatdagi elchixonasi Fransiyaning qator firmalariga yo‘llagan maktubiga tayanib, Le Figaro gazetasi xabar berdi.

Nashrning yozishicha, fransuz kompaniyalariga turli xillik, tenglik va inklyuzivlik (DEI) dasturlariga qarshi AQSh qonunlariga muvofiqligini tasdiqlashi kerak bo‘lgan anketani to‘ldirish uchun besh kun muhlat berilgan. Maktubda ta’kidlanishicha, bu AQSh hukumati to‘lovlari bo‘yicha qarorlar uchun muhim.