Andijondagi maktabda dars berayotgan ganalik fuqaroning oilasida egizaklar dunyoga keldi. Bu haqda DXAning Andijon viloyati boshqarmasi xabar qildi.
Ma’lum bo‘lishicha, Gana Respublikasi fuqarolari Emmanuel Akvey hamda Sussanna Mfumlarlarning oilasida shu yil 28 sentyabr kuni egizaklar – Marven va Arvenlar (ikkisi ham o‘g‘il) dunyoga kelgan. Oila farzandlariga guvohnoma olish uchun 23 dekabr kuni FHDYoga murojaat
qilgan va murojaatga asosan ular farzandlariga 24 dekabr kunida guvohnoma olgan.
Oila boshlig‘i Emmanuel Akveyning aytishicha, ular AQShlik ko‘ngillilar bilan o‘quvchilarga ingliz tilini o‘rgatish uchun O‘zbekistonga kelgan. Ular ayni vaqtda Andijon shahridagi 43-umumiy o‘rta ta’lim maktabida o‘quvchilarga ingliz tilidan dars berib kelmoqda.