Andijon viloyati, Qo‘rg‘ontepa tumani hududida 17 fevral kuni 7 yoshli Jasminani teplovoz urib yuborgan. Zamon xabariga ko‘ra, qizaloq non sotib olish uchun poyezd yo‘li bo‘ylab ketayotgan bo‘lgan.
U o‘zini chetga olishga harakat qilgan, biroq o‘ng tizzasining pastki boldir qismidan yopiq jarohat oladi. Qizaloq zudlik bilan tuman shoshilinch tez tibbiy yordam markaziga keltiriladi.
Holat yuzasidan huquq-tartibot organlari xodimlari tomonidan surishtiruv ishlari olib borilmoqda.