So‘nggi bir necha kun davomida taniqli hind aktyori Amitabh Bachchanning shifoxonaga yotqizilgani haqida tarqalgan mish-mishlarga Kaun Banega Crorepati («Kim millioner bo‘lishni istaydi?» ko‘rsatuvining hindcha talqini) televizion shousi ishlaydigan xodimlar aniqlik kiritdi, deb yozadi News 18.
Ma’lum qilinishicha, Amitabh boshlovchiligidagi ko‘rsatuv bu hafta suratga olinmaydi. Biroq, aktyor viktorina boshlovchisi sifatida suratga tushishda davom etadi.
IANS nashri o‘z manbalariga tayanib ushbu hafta shouni suratga olish rejalashtirilmagani haqida xabar tarqatgan. Suratga olish ishlari kelayotgan seshanba (22 oktyabr) davom etadi. Shuningdek, manbaning ta’kidlashicha, Amitabh Bachchanning shifoxonaga yotqizilgani haqidagi xabarlar haqiqatdan yiroq. Aktyor sog‘lom va uning ahvoli yaxshi. Qolaversa, ayni damda u shifoxonada emas.
Manbaga ko‘ra, Amitabh Bachchan odatdagi ko‘rikdan o‘tish uchun shifoxonaga borgan. Uni kimdir ko‘rgan va aktyor shifoxonaga yotqizilgan deb ma’lumot tarqatgan.
«Odatda aktyor yakshanba kunlari KBC uchun suratga tushmaydi, chunki u shu kuni dam oladi. 21 oktyabr ya’ni dushanba kuni Mumbayda saylov bo‘lib o‘tadi. Shuning uchun u ishtirokidagi suratga olish ishlari seshanbadan davom etadi», — deyiladi manbada.
Rossiya Hindistondan pulini ololmadi
Rossiya yaqin kunlarda Zelenskiyni o‘ldirib yuborishi mumkin
Urush tadqiqotlari instituti Rossiyaning yadro quroli imkoniyatlarini baholadi
