Soliq kodeksiga o‘zgartish va qo‘shimchalar kiritish bo‘yicha yangi Qonun loyihasi ishlab chiqildi.
Unda bir qator mahsulotlarning soliq stavkalari oshirilishi ko‘zda tutilgan.
Jumladan, Ai-80 benzin uchun aksiz 20 foizga oshirilsa, Ai-90 va undan yuqori benzin uchun aksiz 10 foizga ko‘tariladi. Shuningdek, dizel yoqilg‘i, suyultirilgan va siqilgan gazlar uchun ham soliq stavkalari oshadi.
Eslatib o‘tamiz, noyabr oyining boshlarida O‘zbekiston bo‘ylab Ai-80 rusumli benzinning narxi oshgandi.