Agar Putin muzokaralar uchun Shveysariyaga tashrif buyursa, u hibsga olinmaydi

Mamlakat tashqi ishlar vaziri Inyasio Kassisning aytishicha, agar Ukraina bo‘yicha tinchlik muzokaralari Shveysariyada o‘tkazilsa, Rossiya prezidenti Xalqaro jinoiy sudning hibsga olish orderiga qaramay, davlat rahbari sifatida immunitetga ega bo‘ladi.

"Putin bu yerga shaxsiy tashrif bilan emas, balki tinchlik konferensiyasiga keladi", — deya qo‘shimcha qildi vazir.

Ommaviy axborot vositalarining xabar berishicha, Putin va Zelenskiy muzokara o‘tkazishi mumkin bo‘lgan joylar orasida Jeneva, Budapesht, Istanbul, Rim va Minsk tilga olinmoqda.

Fransiya prezidenti Emmanuel Makron Jenevada tinchlik sammiti o‘tkazishni taklif qildi. "Muzokaralar neytral davlatda, ehtimol Shveysariyada yoki boshqa mamlakatda bo‘lishi lozim, men Jenevada o‘tkazish tarafdoriman", – dedi Makron.