Abbosbek Fayzullayev RPL tur ramziy jamoasidan o‘rin oldi

SSKA yarimhimoyachisi Abbosbek Fayzullayev Rossiya Premyer-ligasida tur ramziy jamoasiga kiritildi.

SSKAning «Lokomotiv»ga qarshi o‘yinida (3:3) jamoasining eng faol o‘yinchilaridan biri bo‘lgan va assist qayd etgan Abbosbek Fayzullayev «Match TV» talqiniga ko‘ra, RPL 24-tur ramziy jamoasidan joy oldi.

Ma’lumot uchun, 20 yoshli yarimhimoyachi yaqin orada O‘zbekiston olimpiya jamoasi safiga borib qo‘shilishi kutilmoqda.

Armiyachilar RPL turnir jadvalida 37 ochko bilan 4-o‘rinda bormoqda.