+30. Qashqadaryoda ishlovchi qozog‘istonlik fuqaro koronavirusga chalindi

2020 yil 6 iyun soat 23:00 holatiga ko‘ra, O‘zbekistonda koronavirus infeksiyasi qayd etilganlar soni 4094 (+30) nafarni tashkil etmoqda.
 
Yangi kasallanish holatlarining 19 nafari Karantin markazidagi (barchasi xorijdan kelgan) fuqarolari orasida, 4 nafari Toshkent shahrida aholi orasida, 3 nafari Samarqand viloyatida koronavirusga chalinganlar bilan muloqotda bo‘lgan va karantinga olingan fuqarolar orasida, yana 3 nafari Andijon viloyatida (1 nafari koronavirusga chalinganlar bilan muloqotda bo‘lgan, 2 nafari Qirg‘iziston Respublikasidan chegara post orqali kelgan), 1 nafari esa Qashqadaryo viloyatida ishlovchi qozog‘istonlik fuqaroda aniqlangan.
 
Ayni paytda yurtimizda 3268 (+21) nafar koronavirus infeksiyasiga chalingan fuqarolar (79 foizi) sog‘aydi.
 
Hozirda mamlakatimizda davolanayotgan 809 nafar bemorga shifokorlarimiz tomonidan belgilangan standartlar bo‘yicha davo choralari ko‘rilmoqda.  
 

Sog‘liqni saqlash vazirligi
Jamoatchilik bilan aloqalar bo‘limi.