Chetan Bhagatning romaniga asoslangan "3 savdoyi" filmi Amir Xonning eng muvaffaqiyatli kartinalaridan biri bo‘lib qolmoqda. Kino nafaqat Hindistonda, balki Xitoy va dunyoning boshqa joylarida ham juda qadrli hisoblanadi. Film nafaqat tijoriy yutuqlarga erishgan, balki tanqidchilarni ham hayratda qoldirgan.
Yaqinda e’lon qilingan xabarlarga ko‘ra, film yaratuvchilari «3 savdoyi»ning sarguzashtalarini davom ettirishmoqchi va hozirda tayyorgarlik ishlari olib borilmoqda. Rejissyor Rajkumar Xirani intervyularining birida yozuvchi Abixijit Joshi bilan ssenariy ustida ishlayotganligini ma’lum qildi.
